Töluverður framgangur hefur verið í uppbyggingu hjólastíga á höfuðborgarsvæðinu í sumar. Nýr hjólastígur við Fjarðarhraun er nú tilbúinn en hann liggur samsíða Fjarðarhrauni, frá Fjarðarkaupum að Flatahrauni við Kaplakrika. Framkvæmdir standa einnig yfir við stígagerð í Garðabæ og Kópavogi.
Lesa meiraOpnun nýrrar brúar yfir Breiðholtsbraut á morgun er stór áfangi í umfangsmiklum framkvæmdum við nýjan Arnarnesveg, milli Rjúpnavegar í Kópavogi og Breiðholtsbrautar í Reykjavík. Breytingar verða á umferð á Breiðholtsbraut, milli Jaðarsels og Vatnsendahvarfs þegar brúin verður tekin í notkun í fyrramálið. Loka þarf þessum hluta Breiðholtsbrautar, frá kl. 23:00 í kvöld til kl. 06:00 í fyrramálið á meðan unnið er að undirbúningi fyrir færslu umferðar.
Lesa meira
Vegagerðin, Reykjavíkurborg og Betri samgöngur standa fyrir opnu húsi um Sæbrautarstokk, þriðjudaginn 30. júní og fimmtudaginn 2. júlí frá klukkan 16:30-18:00 í Vogaskóla. Öllum er velkomið að mæta og kynna sér verkefnið. Íbúar í Vogabyggð og Vogahverfi eru sérstaklega hvattir til að koma og ræða við þau sem vinna að undirbúningi stokksins og umferðarlausnum á framkvæmdatíma.
Lesa meira